Kooxda kubbadda Cagta ee 20-ka Decemebr ayaa ku
guuleysatay tartanka kadib markii ay urursatay 51 dhibcood mudadii tartanku
socday oo ahayd intii u dhexeysay 25-kii June 2018 ilaa 27-ka December 2018. Tartanka ayaa waxaa ka qeybgalay 14 kooxood oo ay kala
matalayeen dhallinyaro da’doodu u dhexeyso 15-17 sanadood.
Guddoomiyaha xiriirka kubbadda Cagta Soomaaliya,
Cabdiqani Saciid Carab ayaa uga mahad celiyay hey’ada FIFA taageerada ay u
fidisay xiriirka oo la’aanteed aanay suuragal noqoteen in tartankani qabsoomo.
"Labadii qeybood ee hore ee tartankan FIFA waxay na siisay caawimaad dhaqaale iyo mid qalab intaba, hase ahaatee qeybtan sadexaad waxay FIFA nagu caawisay qalabka quruxda badan oo ay kooxuhu ku cayaarayeen”ayuu yiri guddoomiyaha oo FIFA uga mahad celiyay taageeradeeda joogtada ah, iyadoo aanay jirin cid kale oo xiriirku gacan ka helo.
"Way naga go’antahay in aan joogteyno tartamada noocan oo
kale ah oo guulo wax ku ool ah dalka gaarsiiyay. Tusaale waxaa noogu filan
guushii ay Soomaaliya marii ugu horeysay ka gaartay cayaaraha CECAFA oo ay
finalka soo gaartay bishii April ee sanadkadn, guushaas taariikhiga ahna ma
aanu gaarneen FIFA la’aanteed”ayuu gudoomiyuhu hadlkiisa sii daba dhigay.
Gudodomiyaha ayaa sheegay in uu sii kordhayo xiisaha ay
dhalinyarada Soomaaliyeed u qabaan tartankan, iyadoo maalin kasta ay
dhalinyarada soomaaliyeed muujinayaan sdia ay u daneynayaan ka qeyb qaadashada
tartankan.
Somali Football Federation Media Department
Email:info@somsoccer.com