"Maanta oo ah 1-da
July waa maalin ku weyn shacabka Soomaaliyeed waxaana ay xambaarsan tahay laba
munaasabadood oo waaweyn, tan 1-aad waa qaadashadii gobanimada ee gobollada
koofureed ee dalka, mida 2-aadna waxaa lagu maamuusaa midowgii gobollada
waqooyi iyo kuwa koofureed ee dalka Soomaaliya kuwaas oo hoos joogay gumeysiga
awoodo shisheeye oo kala duwan”ayuu guddoomiyaha xiriirka Soomaaliyeed ee kubada
cagta Mudane cali Saciid Guuleed Rooble ku yiri dhamaabaalkiisa hambalyada 1-da
July maanta oo Isniin ah.
"Xiriirka
Soomaaliyeed ee kubada cagta waxaa uu farxadda iyo dabaaldagyada la wadaaagayaa
shacabka Soomaaliyeed oo meel kasta oo ay caalamka ka joogaanba qabanaya
munaasbado lagu maamuusayo maalintan weyn, waa maalin aad u xusuus mudan sababtoo
ah waxaa ay ahayd 1-dii July sanadkii 1960-kii markii Soomaaliya ay dareentay
macaanka xorriyada isla markaana noqotay dal si buuxda loo aqoosnaday ugana
dhex muuatay maabka aduunka iyadoo ah dal xor ah”ayuu dhambaalkiisa hambalyada
ah ku yiri guddoomiyaha xiriirka Soomaaliyeed ee kubada cagta Mudane Cali
Saciid Guuleed Rooble.
Waxaa uu guddoomiyuhu ku booriyay shacabka Soomaaliyeed
in ay iska iloobaan dhibaatooyinkii horay u dhacay isagoo ugu baaqay shacabka
in ay u midoobaan danaha qaranka Soomaaliyeed.
Guddoomiyaha ayaa soo qaatay qaar ka mida erayada ay
xambaarsan tahay heesta astaanta calanka oo oranaya ( Soomaaliyeey toosoo, Toosoo isku tiirsada ee, Hadba kiina taagdaranee Taageera waligiinee). "Midnimadu waa awood”ayuu yiri guddoomiyuhu.
"Waxaan Allaha
awooda sare leh ka baryayaa in uu shacabkeena ka badbaadiyo dhibaatada mudada
dheer soo jirtay, waxaana ku rajo weynahay in aan munaasabada tan xigta ugu
dabala dagno farxad iyo reyreyn, nabad iyo xasillooni iyo Soomaaliya oo leh
awood iyo dowladnimo buuxda”ayuu dhambaalkiisa hambalyada maalinta qaranimada
Soomaaliyeed kusoo gabagabeeyay guddoomiyaha xiriirka Soomaaliyeed ee kubada
cagta Mudane Cali Saciid Guuleed Rooble.
Somali Football Federation Media Department
Email:somalifootballmedia@gmail.com